WANTED

Isinulat ito ni ERC ng theannexmatters.wordpress.com

hindi ko alam kung matutuwa ako o mananapak. eto siguro ang epekto na magkaklase kaming napadpad sa aming trabaho. kami lang din ang magkaedad sa aming departamento. higit pa sa lahat, walang ibang aliwan dito tulad ng Facebook, kung kayat nagba-blog at nagbabasa na lang kami ng mga blogs upang malibang. narito ang isang nakakaaliw (?) nyang paskil, mula sa kanyang BLOG. MAY MGA INSERT:IONS AKO HA.  -tulalang isda

Narito ang paskil ni ERC:

Nais ko lamang magkawanggawa sa isang kaibigan na labis ang pagnanais na magkaboyfriend. Narito ang ilan sa kanyang kahilingan para sa isang lalaking paglalaanan ng atensyon - (INSERT: WALA AKONG GANYANG PAGNANAIS. ANG NAIS KO AY MAKAPAG-ARAL!)

1. Kailangan niya ng machong utak na kayang makipagsabayan sa sexy niyang pag-iisip at pamimilosopiya. Kailangan niya ng malalakas na muscle para kargahin at bitbitin ang napakagandang hubog ng kanyang cellula at kaisipan. Siyempre, kung macho na din ang katawan mo, plus factor na din iyon. (INSERT: NANG IINSULTO KA BA?)

2. Kailangan ay nagtataglay ka ng gwapong writing skill. Isang writing skill na ang bawat kataga ay tila liriko ng pagmamahal na dinadala siya sa ikapitong langit. Bawat himig at tugma ay paulit-ulit na umaawit sa kanyang pandinig, bawat linya ay tagus-tagusang kumikiliti at gumagalit sa kasuluk-sulukan ng kanyang pagkatao. Kung real-life gwapo ka, plus factor ulit iyon. (INSERT: HINDI AKO NAGHAHANAP NG GWAPO)

3. Mayaman! Kailangan niya ng mayaman sa karunungan at makapal ang bulsa dahil sa mga libro. Nais niyang umaapaw ang bulsa ng lalaking iibigin, umaapaw sa sangkatutak na libro at magaling mag-impok ng mga libro sa silid-aklatan. Kung mayaman ka sa pera, plus factor na ulit iyon. (INSERT: HINDI AKO NAGHAHANAP NG MAYAMAN!)

4. Magaling sa kama! Tipong bawat indayog ay mapapahalinghing siya sa tuwa at saya, sa bawat paggalaw ay ramdam niya ang kasiyahan at ang sarap. Oo, humahanap siya ng taong magaling sa kama! Sa kama ng PILOSOPIYA at LITERATURA. Gusto niyang sa bawat katanungan niya ay may maisasagot ang lalaki sa kanya, kayang sabayan ang kanyang malalim na pag-iisip na sa bawat haplos at hagod at alam niya kung papaanong mapapaligaya ang diwa ng ating dalaga. Isang taong magaling sa kama ng pilosopiya at literatura kung saan ito ang magsisilbing magkakanlong sa kanilang tahimik at tiwasay na buhay. Kama ng pilosopiya at literatura na siyang kanilang magiging “love’s nest, ” “earth’s paradise,” at pahingahan at datalan sa araw-araw. (INSERT: NAPAKAHALAY NITO! HINDI PA AKO NAHIHIBANG!)

Kung sa tingin mo ikaw na ang hinahanap niya, mag-iwan lamang ng komento at reaksyon